:::: Iraq Memory Foundation ::::

مێژووی زاره‌کی بینراو

"ئه‌بێ هه‌موو یادگارییه‌کت پێ بڵێم ، وێنه‌ی هه‌موو ئه‌و ڕۆژانه‌
داوات لێ ده‌که‌م بڕوام پێ بکه‌یت و ئه‌وانی تریش بزانن چۆنه‌
ئاگرێک له‌ناخمدایه‌ وه‌ک تێڵایه‌کی سوورکراوه‌ی ئاسنه‌"

عومه‌ر ، ئه‌وه‌ی له‌به‌ندیخانه‌ی به‌غا بۆ ماوه‌ی 42 ڕۆژ له‌ساڵی 1987 زیندانی بوو1987

پڕۆژه‌ی مێژووی زاره‌کی بینراو ئیش له‌سه‌ر ئامارکردنی به‌ڵگه‌نامه‌کان له‌گه‌ڵ قوربانییه‌کانی ڕژێمی به‌عس (1968-2003 ) به‌بێ گوێدانه‌ ڕووخساری نه‌ته‌وه‌یی و مه‌وهه‌بی و ئایدیۆاۆژی ده‌کات .
قوربانییش هه‌ر عێراقییه‌که‌ که‌به‌شێوه‌یه‌کی ڕاسته‌وخۆ له‌لایه‌ن ڕژێمی حیزبی به‌عسه‌وه‌ ڕووبه‌ڕووی توندوتیژی و چه‌وستندنه‌وه‌و ڕاوه‌دوونان بوه‌ ، یان به‌شێوه‌یه‌کی ناڕاسته‌وخۆ له‌ڕیًگای خزم و که‌س و کارییه‌وه‌ تووشی زیان بوه‌ .
ده‌زگای یاده‌وه‌ری عێراق کۆشش ده‌کات بۆ متمانه‌کردن به‌تاکایه‌تی و پیرۆزڕاگرتنی به‌هاکانی مرۆڤی عێراقی ، ئه‌مه‌ش له‌پیًناو گه‌یشتن به‌ دانپێدانانێکی کۆمه‌ڵایه‌تی به‌قه‌باره‌ی ئه‌م ئه‌ندێشه‌یه‌ . ئه‌م به‌ڵگه‌نامانه‌ ، گێڕانه‌وه‌ دووای گێڕانه‌وه‌ ، چیرۆکی عێراق به‌دوور له‌ ئایدیۆلۆژیاوه‌ ده‌رده‌خه‌ن و به‌شداری ده‌که‌ن له‌کولتوری لێبوردن و ڕه‌تکردنه‌وه‌ی هه‌موو جۆره‌کانی توندوتیژی و سیاسه‌تی تۆڵسه‌ندنه‌وه‌ .
ئه‌رکه‌کانی مێژووی زاره‌کی بینراو که‌ کۆده‌قێکی هاوتا بۆ ئیشکردن ده‌خوازن له‌م هه‌نگاوانه‌دا کۆده‌بنه‌وه‌ :

هه‌ڵسان به‌ لێکۆڵینه‌وه‌ی ورد له‌سه‌ر لایه‌نه‌ شاراوه‌کانی ژیانی قوربانییه‌کان له‌هه‌موو ناوچه‌کانی عێراق

لێکۆڵینه‌وه‌ له‌سه‌ر ئه‌و به‌ڵگه‌نامانه‌ی وا قه‌ربانییه‌کان پێشکه‌شیان ده‌که‌ن و دڵنیابوون له‌ڕاستییه‌کان وه‌ک به‌ڵگه‌نامه‌یه‌کی ڕاست به‌بێ هیچ شتێک گومانی بخاته‌ سه‌ر .

تۆمارکردنی ڕاسته‌وخۆی به‌ڵگه‌نامه‌ی قوربانییه‌کان به‌ده‌نگ و وێنه‌ به‌له‌به‌رچاوگرتنی ئه‌وه‌ش که‌ ته‌نها ( شه‌هاده‌تێک ) له‌وانه‌یه‌ کاتێکی زۆر له‌ئاماده‌کردن و پێشکارییه‌کانیدا بخایه‌نێت . ئه‌مه‌ جگه‌ له‌وه‌ی که‌ تۆمارکردن له‌وانه‌یه‌ چه‌ندان سه‌عات یان چه‌ندان ڕۆژ بۆ گه‌یشتن به‌شایه‌تییه‌کی ته‌واو بخایه‌نێت .

هه‌وڵدان بۆ ده‌ستکه‌وتنی به‌ڵگه‌نامه‌و وێنه‌و شته‌کانی تری قوربانی ، بۆ ئه‌وه‌ی له‌داهاتوودا ببنه‌ بابه‌تی مۆزه‌خانه‌ی عێراق که‌ وا نیازه‌ له‌ به‌غدا دابمه‌زرێت .

نووسین و دۆکویمێنتکردنی ده‌قی شایه‌تییه‌کان و ئه‌رشیفکردنیان له‌چوارچێوه‌ی مێتۆدۆڵۆژییه‌کی گشتی نوێدا ، بۆ ئه‌وه‌ی له‌بواری لێکۆڵینه‌وه‌دا سه‌رچاوه‌یه‌ک بن له‌ سه‌رچاوه‌کانی لێکۆڵینه‌وه‌ی زانستی .

به‌رهه‌م هێنانی فیلم له‌سه‌ر ژیانی قوربانییه‌کان به‌گوێره‌ی هه‌ل و مه‌رجی هونه‌ریی نوێ

نووسین و لێکۆڵینه‌وه‌ له‌سه‌ر شایه‌تی قوربانییه‌کان به‌ شێوه‌یه‌کی زانستی بێلایه‌ن .

ده‌زگای یاده‌وه‌ری عێراق پابه‌نده‌ به‌ مێتۆدی بێلایه‌نی زانستییه‌وه‌و ، وه‌ک به‌شێک له‌هێڵی گشتی و چه‌سپاوی کارکردنی ، هه‌وڵ ده‌دات هه‌موو شایه‌تییه‌کان به‌شێوه‌یه‌کی به‌ڵگه‌نامه‌یی و ورد تۆمار بکات . ئه‌مه‌ش له‌پێناو ئه‌وه‌ی ببێته‌ سه‌رچاوه‌یه‌ک له‌سه‌رچاوه‌کانی مێژووی عێراق و بخرێته‌ به‌رده‌م توێژه‌ره‌وان و پسپۆران . ئه‌مه‌ جگه‌ له‌به‌جێهێنانی ئامانجی ده‌زگا که‌ ئه‌ویش دووباره‌ نه‌بوونه‌وه‌ی ئه‌وه‌یه‌ وا ڕوویدا ، هه‌روه‌ها دامه‌زراندنی کولتوری مرۆڤ که‌ ڕیًَز له‌ مرۆڤ بگرێت .

مقابلة مع "تيمور"
احد الناجين من عملية الانفال

مێژووی زاره‌کی بینراو ( التفاصيل)